1kq gavali
1kq şəkər tozu
1stəkan su
Seçilmiş meyvələr yuyulur, qabığı və tumu çıxarılır,. Əgər kiçikdirsə, onları 2 yerə bölmək olar. Kəsilmiş gavalilar qaralmasın deyə, onları 3-8 dəqiqə isti suya salmaq olar. İsti sudan çıxarılan gavalilar soyudulur. Həmən sudan isə şirə hazırlamaq üçün istifadə eləmək olar. P.S Bəzi gavali növləri çox zərif olur, tez əriyir. Ona görə də belə gavalilari isti suya qoymamışdan əvvəl 5dəqiqə qatı sodalı suda saxlamaq lazımdır.
İsti sudan çıxardıqdan sonra əzilmiş gavali dilimləri çıxarılır, qalanları isə isti şirəyə tökülür. Şirə hər kiloqram gavali üçün 1.2-1.3kq şəkər və 1.5stəkan sudan bişirilir.
Şirəyə tökülmüş gavali, odun üstündən götürülür və 3-4 saatlığa qırağa qoyulur. Sonra yenə də odun üzərinə qoyulur və 5-7dəqiqə qaynadılır.
Bu qayda ilə bişirildikdə mürəbbələrin meyvələri əzilmirvə formasını itirmir. Əgər gavalilar turş deyilsə, mürəbbənin bişməsinə az qalmış bir qədər limon turşusu qatmaq olar. Bu, mürəbbənin dadını yaxşılaşdırır və xarlanmasının qarşısını alır.
İstəyə görə isə mürəbbənin ətrinin və dadının yaxşı olması üçün isə ona döyülmüş hil ya da limon qatılır.